Kapetan kruzera Francesco Schettino potopio brod jer se nije odvajao od Moldavke Dominica Cemortan...
Misteriozna žena zbog koje je kapetan kruzera "Costa Concordia" Francesco Schettino (52) napravio grešku i potopio ga jeste Moldavka Dominica Cemortan (25). Ona je u noći brodoloma sve vrijeme bila uz kapetana, a u jednom trenutku našla se s njim i na komandnom mostu, što je prema propisima nedopustivo! Da skandal bude veći, Cemortan nije bila na zvaničnim listama ni putnika ni posade. Pretpostavlja se da je na kruzeru radila na crno.
Ključni svijedok
Za njom je u Italiji juče, po nalogu tužilaštva, organizovana opsežna potraga, ali ona se u međuvremenu javila medijima. Ispričala je da nije bila slijepi putnik i da već pet godina radi za „Costu“, a da je na „Concordiu“ bila na odmoru. Rekla je da je bila na večeri u restoranu kad se brod nasukao, a da ju je potom kapetan pozvao na komandni most kako bi na ruski prevela informacije koje je putnicima objavio kapetan.
Cemortan bi mogla da bude ključni svijedok u rasvetljavanju trenutaka kad je brod počeo da tone, a u međuvremenu je već počela da brani kapetana Schettino, koji je kukavički, prije evakuacije putnika, pobjegao s broda koji je tonuo. Moldavka je izjavila da kapetan nije pobegao, nego je spasavao ljude?!
Svjedoci kažu da je ova plavuša sve vrijeme krstarenja „kao senka“ pratila kapetana.
Stradao zbog violine
U međuvremenu je nekoliko preživjelih putnika otkrilo bizarnu koincidenciju - da je u trenutku udara „Concordie“ o greben u restoranu svirana naslovna pesma iz filma „Titanik“!
Juče je rasvjetljena još jedna tragična sudbina na ukletom kruzeru. Mađarski violinista Shandor Fehir (38) poginuo je u brodolomu pošto se vratio po svoju violinu. On je djeci na koju je naišao na brodu pomogao da stave pojas za spasavanje, vratio se u kabinu po instrument, i od tada mu se gubi svaki trag.
